Agrupación de Grupos de Investigación de Dereito Administrativo e Filosofía do Dereito (AGAF)

O grupo AGAF creouse no ano 2010 mediante a fusión de dous grupos de investigación previos formados por investigadores das áreas de Filosofía do Dereito e Dereito Administrativo. Os seus membros dirixen diversos proxectos de investigación financiados en convocatorias competitivas. Obtivo as axudas estruturais como grupo de potencial crecemento de maneira ininterrompida desde o ano 2013.

O grupo ten varias liñas de investigación principais, que se atopan na intersección das disciplinas ás que están adscritos os seus membros. Elas son: (1) contratación pública e políticas públicas, (2) xestión da auga termal, (3) perspectiva de xénero e IA, (4) lexislación agroalimentaria, alimentación e medio ambiente, (5) dereito ambiental e ética do cambio climático, (6) teoría do dereito e argumentación xurídica.